2025.2.2-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,554,134 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.1.29 《前一篇

回應

給他日記貼紙

給他愛的鼓勵

檢舉

篇名: 2025.2.2
作者: C	日期: 2025.02.02　　天氣: 　心情:

今仔日是二月初二，禮拜日。舊曆正月初五，我佇露易莎摸非。
初一佮阿爸阿母去百貨公司鬥鬧熱，佮去海邊旅運中心行行咧。
中晝佇家樂福食飯。
初二，透早去摸非，轉來款款咧欲去台中。十點外車開出去了，才閣轉來先那停車費。
先去新厝提物件欲捾轉去台中的。閣去加油。
就按呢，三延四延，加上規路攏窒車，先去關廟休息站上便所，閣買中晝頓，佇車頂那開那食。
到台中已經三點外矣。
下晡佮囡仔去土地公廟仔遐拍球。
暗時太太煎菜頭粿。
舅仔轉去高雄後頭，半暝仔才轉來。
隔日初三。太太佮大姨仔約欲踅百貨公司。
載丈姆太太佮囡仔去。予太太開車。
先去北館五樓食牛排，紲落來，去三樓予囡仔踅囡仔物。
我陪丈姆佇邊仔等，太太姨仔去踅南館。
下晡轉來煞落雨，就無去廟仔運動。
暗時佳哉有哥哥陪囡仔行棋，弈到半暝仔。
阮蹛到初四。
透早我去阿寶買早頓。我買予太太丈姆的素食的竟然是冷的，誠歹食，誠歹勢。
初四規工攏無出去。
大舅仔來載椅仔去伊的工場修理。
我佮囡仔去廟仔拍球。
轉來聽講丈姆的小弟，太太的三舅欲來。
我無捌見過。太太講伊嘛欲二十冬無見面矣。
暗時我毋敢食傷濟，因為驚開車會盹龜。尤其閣落雨。
丈姆舅仔攏留阮閣蹛一暝，但是我已經講好欲轉去矣。
轉來攏無窒車，九點就到新厝矣。

標籤:

瀏覽次數:5 人氣指數:5 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：